Toine “Kielilippahaine” on valmis

Mennyön vuvven lopus nägi päivänvalgien Jelena Ruppijevan Kielilippahaine-opastuskniigan toine oza. Enzimäine “Kielilippahaine” oli jullattu vähästy enne, vuvven 2018 puolivälis.

Mollembat kniigat ollah ližäopastuskniigoinnu karjalan kielen opastujile školis. Niidy voijah käyttiä netgi, ket opastutah kieldy kursiloil libo ollah kiinnostunnuot karjalan kieles.

“Kielilippahazis” on oma urhomies – pieni brihaččuine Teppo. Kai ruavot da harjaitukset, kudamat ollah opastuskniigois, ollah hänes da hänen perehes kiini. Tepol ollah karjalazet juuret, häi maltau omua muamankieldy da vie opastuu sidä školas.

“Kielilippahazen” toizes ozas, kui enzimäzesgi, on kaksikymmen luguu – kaksikymmen eri teemua. Sportu, joudoaigu, kodikonehet, tervehys, soittimet, ammatit, siä, böbökät da kiemurdelijat, linnu da kylä – nämmä ollah vai erähii uvven ”Kielilippahazen” teemoi...