Vienan Karjala

Kirjutukset vienankarjalakse

Karjalazet miärättih ruavot nelläkse vuottu

// Kuva: Ol'ga Smotrova

Kevätkuun 14.-15. päivinny Anuksenlinnas piettih IX Karjalazien kerähmö. Kerähmöh kerdyi deleguattoi da gostii Petroskois da Karjalan piirilöispäi. Pivos šeikuittih karjalazien elaigua, karjalan kieldy da kul’tuurua koskijoi kyzymyksii. 
Kerähmön avai Karjalan tazavallan piämies Artur Parfenčikov. Omas paginas häi mainičči, ku juuri Karjalazet annettih meijän tazavallale nimen da sidä ei pie unohtua. Piämies jagai Karjalan tazavallan piämiehen kunnivomerkit da kiitändykirjazet. Omas ruavos Tazavallan hyväkse kunnivomerkit suadih Uhut-seuran piälikkö kalevalalaine Valentina Kovalenko, Karjalan Kielen Kodi -yhtistyksen johtokundah kuului vieljärveläine Natalja Antonova, Karjalalan Rahvahan Liittoh kuului Jyrgilän karjalaine Ol’ga Ogneva, Anuksen karjalazet -liittoh kuului anukselaine Galina Fedulova. Kiitändykirjazet suadih Oma tulehmo -liittoh kuului veškelčy Pavel Andrejev, Vienan virta -liiton piälikkö piäjärveläine Anna Vlasova, VIII Karjalazien kerähmön vallittuloin nevvostoh kuulujat Pitkänrannan eläi Galina Lukovskaja da sordavalalaine Alla Silkina, Anuksen karjalazet -liittoh kuului anukselaine Tatjana Romanova da Viena-liittoh kuului kostamukselaine L’udmila Tihonova.
Kielen stuatussu, paikannimet, mečän da muan juandu
Kerähmön enzimäzenny päivänny deleguatat piettih paginoi suurel laval.
– Tänäpäi on olemas vaiku ainavo taba säilyttiä karjalan kieli – andua sille valdivolline stuatussu, sanoi kaikkien kuulten tverinkarjalaine Nikolai Turičev.  
Hyvän dolkluadan paikannimilöin muuttamizeh da viäräh kirjuttamizeh nähte varusti Karjalan TV:n kanzalliskielizen toimituksen ruadai Ol’ga Ogneva. Nygöi monet tieviittehii nähtes samal aigua nagratuttau da itketyttäy. Anuksen karjalazet -liiton piälikkö Vladimir Lukin paheksi, ku kylis ei ole mediekkualan spesialistoi, nuoret lähtietäh elämäh linnoih, häi kehitti andamah muadu da meččiä koin nostamizeh niilöile nuorile, ket tullah järilleh elämäh kyläh linnas opastuttuu... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat