Vienan Karjala

Kirjutukset vienankarjalakse

Karjalankielizil žurnalistoil pidäy ližäopastustu da kannatustu

// Kuva: Ol'ga Smotrova

Televiidenii, ruadivo, lehtet da internettu ollah ezmäzii, ket vietetäh karjalan kieldy da karjalastu elaigua suureh mieroh da luajitah karjalan kielen täh päiväh pättäväkse. Mittumal mielialal ruatah meijän karjalankielizet žurnalistat da midä sanottih Kerähmön ies Anuksenlinnas?

“Karjalazet da karjalan kieli nygözes meedies: joukkoviestimet da internettu” – oli Karjalazien IX Kerähmön erähän ozaston teemu. Hyvin aijankohtaine da paistavu. Minä, omamualaine Natalja Antonova da kanzalliskielizen TV-da ruadivotoimituksen endine johtai Aleksandr Jeremejev veimmö sen ruandua kolme čuassuu peräkkäi. Se oli ainavo Kerähmön ozasto, kudaman ruado kogonah meni karjalakse. Nygözet da endizet žurnalistat, kirjastoloin ruadajat, teemas rippujat deleguatat – kahtenkymmenen viijen hengen joukko karjalastu tuldih yhtymäh tänne...

Tsifru on hyvä suavutus, vai ei ole jogahizes kohtas suadavis

Televiidenii kiistämättäh on merkittävin joukkoviestin karjalazile täkse aigua. Karjalankieline TV on suadavis jogahizele Karjalas eläjäle, ken vai ehti azettua tsifransuandulaittehet omah kodih libo ostua uuzi televiizoru, kudamas se laiteh jo on sydämeh azetettu. Äijiä jygiembi on ruadivonke. Languruadivon häviendy puolendi kahteh dai enämbähgi kerdah sen kuundelijoin miäriä Karjalas. Languruadivo, kudamah harjavuttih kyläläzet, on loppemas omua igiä, a net nellitostu tsifrulähetysstantsiedu ei kateta Karjalan tazavallan kaikkii kohtii. Midä kylä on loitombi stantsiespäi, sidä pahembi tsifrulähetys kuuluu. Täs pagizi dielos peril olii Aleksandr Jeremejev. Ainavo piätös olis se, ku rahvas hävitettäs točkuruadivot da ostettas tilah nygöizet lähetysbrujat, kudamat työtäh FM:n. Toizekse, jiädäs vuottamah kuni Karjalan tsifrulähetysstantsiet roitah vägevembäkse da allatah kattua kai kohtat. Muite, tsifran tulendu kiistämättäh on nygyaigaine suavutus, vai se pidäy olla jogahizel suadavis, kaččomattah ristikanzan eländykohtua. Tämä on vie valehmbii kohtii, äijis kudamis karjalan kylis ei ole suadavis eigo tsifru, eigo vie internet.

Karjalankieline TV on muite muis Ven’an suomelas-ugrilazes muailmas. Se oppiu vagavah rippuo kieles. Sanommo, toizis tazavallois ven’ankielizii paginoi ristittyzien pagizuttajes ei kiätä omil kielil, työtäh efiirah ven’akse, a meigäläzet kiätäh. Tiettäväine, täsgi ruaduo toimittajile tulou enämbi. Karjalan, suomen da vepsän käytändy yhtes lähetykses vai čomendau sen.

TV- da ruadivotoimittajile on kibiedy kohtua ruavos

Oigielois da omas vačas läbi työttylöis azielois pagizi tundiettu da arvostettu žurnalistu Ol’ga Ogneva, kudamal on suurdu kogemustu ruadua TV- da lehtimiehenny. Häi nägöy, ku karjalankielizien TV-da ruadivotoimittajien resursat hudristutah, kannatustu nikuspäi ei ole. “Ku lähiaijal tilandeh meijän ruadajienke ei muutu, kanzalliskielizen toimituksen veriäl vobi riputtua lukku...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat