Vienan Karjala

Kirjutukset vienankarjalakse

Omamualazet

Nikolai Zaitsevan kirjutuksii piäzöy ilmoih Oma Mua -lehtes, Periodika-julguamos nähtih päivänvalgien hänen kniigat. Tänävuon tuhukuus Nikolai Zaitsev sai medalin Suuren Ižänmuallizen voinan 75-vuozipäivän kunnivokse. Lapsennu olles Nikolai Petrovič oli k // Kuva: Olonija-lehti

Täl kerdua Omamualazet-rubriekas, kudai omistetah Oma Mua -lehten 30-vuozipäiväkse, kerrommo Nikolai Zaitsevas. Anuksen piirin Alavozen kyläh vuvvennu 1938 rodivunnuh Nikolai Petrovič jo mondu vuottu kirjuttau karjalakse. Hänen kirjutuksii piäzöy ilmoih Oma Mua -lehtes, Periodika-julguamos nähtih päivänvalgien hänen Omat ikkunat- da Nägemizih, Tuulos -kniigat.

Minä tuttavuin Nikolai Petrovičan kirjutuksih jo yliopistos opastujes. Kerran kodilugemizeh niškoi valličin hänen Omat ikkunat -kerdomuskogomuksen. Sit, ku Nikolai Zaitsev on vie nerokas taidoilii, tiijustin konzu tulin ruadamah Oma Mua -lehteh. Minun ruadostolan piäl rippuu Nikolai Zaitsevan piirustettu kuva, kuduan taidoilii lahjoitti toimituksele viizi vuottu tagaperin.

Nygöi mies eläy Anuksenlinnas, ga vastavuimmo Nikolai Petsovičanke Oma Mua -toimitukses. Petroskois Veteruanoin gospitalis häi parandi omua tervehytty.

– Nikolai Petrovič, mustatgo, konzubo enzimäzen kerran kirjutit Oma Mua -lehteh?

– Oli se vuvvennu 2007. Minulluo tuli Anuksen kirjaston ruadai Galina Fedulova da sanoi: “Sinähäi olet karjalaine. Meil pietäh Vladimir Brendojevan literatuurufestivuali. Toinah kirjuttazit karjalan kielel”. Minä vastain la olgah midägi kirjutan. Muga rodih minun enzimäine kerdomus nimel “Čuajumuagari”. Mustan, ku minun kuvien ozuttelun avajazis Lapsien taidoškolas Galina toi minule Oma Mua -lehten, kus jullattih minun enzimäzen kerdomuksen.

Sit aijas luven Oma Mua -lehtie alalleh. Voin sanuo, ku nygöi lehti on čomembi. Enzimäzekse luven literatuurusivuu. Duačal minul on vahnoi lehtii, toiči luven niidygi, mostu hyviä kerdomustu on...

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat