Vienan Karjala

Kirjutukset vienankarjalakse

Maura Häkki: “En ole suomelaine. Olen karjalaine!”

Mauran juuret ollah Hyrzylän kyläspäi.

Maura Häkki ei ole suomelaine, häi on karjalaine. Neidizen juuret ollah Hyrzylän kyläspäi. Ga konzu häi sanelou sih näh TikTokas kymmenile tuhanzile, äijät ei ellendetä. TikTokas Maura Häkki on @maurash. Omien videoloin vuoh häi sellittäy, midä eruo on suomelazien da karjalazien keskes sego sanelou, kui karjalazii on syrjitty Suomes.

Olen pagizutannuh Maurua nämmih da erähih toizihgi dieloloih näh.

 -  Myö sinunke vastavuimmo enzimäzen kerran Jovensuun Paginpertis. Minun mustamal tulit sinne vellenke. Silloi vie en tiedänyh, gu sinä luajit TikTokas videoloi karjalazih da karjalažuoh näh. Tiijustin sen vaste sit, konzu sain eräs nedäli tagaperin Yle uudizet karjalakse kiännettäväkse da niilöis jälgimäzenny oli viesti sinuh näh. Sanele vähäine: Mibo se moine TikTok on, mindäh käyttäjen juuri sidä sobivutustu azut videoloi da mittumat net ollah?

-  TikTokas voit azuo kaikenualastu videodu da sie on ylen kebjei suaha nägyvytty. Sobivutustu on sežo ylen kebjei käyttiä. Omis videolois kerron karjalažuoh näh da opin murdua viäräččiä kuvua karjalažuos.

– Konzubo tiijustit, gu olet karjalaine da kuibo kohtavundu karjalažuoh on muuttunuh sit aijas?

– Tiijustin sen mennyt kezäl. Nygöi karjalažus merkiččöy minulleni äijiä enämbän, migu enne. Karjalažus on ainos olluh suuri oza minun elostu, ga ellendin sen vaste jälgikuuloin aigua.

 -  Kus olet kuulluh karjalan kieldy enzimästy kerdua? Oletgo opastunnuh sih?

-  Died’ois olen kuulluh kudamidägi sanastu karjalakse, ga enämbän kuulin karjalua mennyt kezäl Vidžerdäjäs (Twitteras), konzu lövvin toizii karjalazii nuorii, ket paistah karjalakse. Ližäkse kävyin rahvahanopistoh opastumah karjalan kieleh.

 -  Tiijän, gu sinun velligi maltau karjalakse. Pagizetgo hänenke karjalan kielel? Kirjutatgo viestilöi karjalakse? Kenenke vie se puuttuu ruadua?

-  Pagizen vähäzen vellen da tuatanke karjalakse. Sežo pagizen dovarišoinke, ket maltetah paista karjalakse...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat