Vienan Karjala

Kirjutukset vienankarjalakse

Heikkoloin lujat syväimet

Jessoilan naiziennevvosto azui Voitonpäiväkse uvven mustokniigan nimel “Heikkoloin lujat syväimet”. Sih hyö kerättih tieduo Jessoilan čupun naizis da neidizis, kuduat lähtiettih frontale da voinan jälles kiännyttih järilleh omale rannale da elettih Jessoilan kyläkunnas kogo ijän.

Mustokniigas on kirjutettu nelläntostu jessoilalazen naizen ozas.

Hyö ollah Antonova (Arhipova) Paraskovja Grigorjevna, Balabkina Pelageja Gerasimovna, Davidova Paraskovja Kuz’minična, Žuk (Parfentjeva) Glafira Vasiljevna, Zaharova (Paršukova) Klavdija Ivanovna, Kivel’ova (Lukina) Ol’ga Vasiljevna, Kirjanova (Nesterova) Jekaterina Andrejevna, Lukina (Ipatova) Klavdija F’odorovna, Manuilova Aleksandra Ivanovna, Nef’odova (Akimova) Ol’ga Ivanovna, Panšukova (Rogačova) Zoja Grigorjevna, Petrova (Gračova) Marija Vasiljevna, Uljanova (Nef’odova) Klavdija F'odorovna, Fedoščuk (Tarasova) Ol’ga Dmitrijevna.

Joga kerdomukseh on pandu kuva. Nämil naizil oli ylen jygei kui voinan aigua, mugai voinan jälles, konzu kodih tulduu nostettih omua Priäžän rajonua. Sen yheksäkymmenvuodizes istouries on heijängi suuri panos. Hyö elettih, ruattih, suadih lapsii, monil heil oli äijy lastu, kazvatettih heidy putin ristikanzoikse.

– Myö mustelemmo sidä voinua, kudai oli ylen ammui. Toko ei sua olla mustamata sidä voinua. Äijy gor’ua, äijy pahuttu, äijy kibiedy toi se voinu meijän perehih. Kaikil oli ylen suuri gor’a. Myö mustelemmo meijän rahvastu, anna se musto ainos eläy meijän lapsil. Tänäpäi on hyvä mieli, što meile on meijän naizien nevvosto, kuduas on piälikkö Svetlana Nikolajevna Kozlova, hyö luadittii suuren dielon. Hyö luadittii kniigaizen, kuduas on meijen neidizet, da meijän inehmizet, kuduat oldii voinal.... 

 

 

Davidova Paraskovja Kuzminična

Rodivui 30 ligakuudu 1922 Karjalas-Suomelazen Nevvoston tazavallan Siämäjärven rajonan Ugmoilan kyläh. Konzu algavui voinu, häi omal himol lähti radistoin da telegrafistoin školah. Vuvven 1942 elokuun 31. päiväs Paraskovja Kuzminična sluuži Ruskies armies 33. bombittajan aviadiviizien 34. routas.

Sluužban paikku: 34РСР33 Aviadiviizii.

Sluužbah ottopaikku: Jelovskii-piiri, Molotovskaja-aloveh, Jelovskoin voinukomissariattu.

Vuvven 1945 elokuun 9. päiväs jefreitoru Davidova Paraskovja Kuzminična yhtyi voinah Japouniedu vastah. Hänen piäruavonnu oli raadivoyhtevyksen kunnos pidämine 33. štuabas da lendokonehien lendoloin ohjuamine. Suutkis häi ruadoi 12-14 čuassuloin azettumattah da tahtoi vaiku yhty: kui olis teriämbi da čopakosti ruadua oma ruado. Paraskovjal oldih ainavoluaduine musto da čoma kirjutustaba...

 

On otettu Heikkoloin lujat syväimet -kniigaspäi

 


 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat