Vienan Karjala

Kirjutukset vienankarjalakse

Kolme suurdu projektua Tuuksel

// Kuva: Natalja Loginova

Tuuksel jatkuu hierun kunnostamine. Kyläs pannah kundoh kalmužim da suahah pihatuli sinne, kus sidä nikonzu ei olluh. Jenguabuu kunnostusruadoloih paikalline kylähaldivo sai tazavallan b’udzietaspäi. Pihatulensuanduruavot Tuuksen hierus jo algavuttih. Kui sanoi Tuuksen kylähaldivon piälikkö Inna Kornilova, uvvet paččahat jo seizotah. Nygöi pidäy panna lamput da vediä sähkölangat:

– Myö veimmö tulen sinne, kus meil vie ei olluh pihatuldu nikonzu. Uvvel uuličal, Peldouuličal da sit Keskimäžel uuličal. Myö nenne dielot pagižimmo deputuatoinke. Hyö sanottih, što meile pidäy vie ližätä tuldu. Myö piimmö suuren ruavon dokumentoinke, da sit meile Muatalovusministerstvu andoi net dengat. Ruavot myö lopemmo jo tämän kuun aigah.

Toine suuri ruado on Tuuksen kalmužiman kundohpanendu. Ruavot algavuttih sulakuun lopus, hedi Ruadenčoin jälles. Jengua kunnostamisruadoloih on suadu tazavallan Kunnostettu linnualoveh -programmaspäi. Kalmužiman kundohpanemizes vastuau Tuuksen kylähaldivon piälikkö Inna Kornilova.

– Pidäy panna uuzi aidu, da sit myö sie vahnat da pahat puut iäre kuammo da kabrastammo. Kalmužimalluo panemmo konteinerat, panemmo lauččažet, gu voibi sie istuo, pitky on matku kalmoissah. Erähät väzytäh astuo jallai. Da viemmö äijy peskuu da luajimmo kävelendytroppažet. Sie on savimua, da sit konzu vihmuu, sit on ylen äijy reduu. Veriällyö panemmo uvven ilmoituslavvan, sanoi Inna.

Kolmas suuri tuukselazien ruado on pihakonsertulava... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat