Vienan Karjala

Kirjutukset vienankarjalakse

Internet auttau rahvastu enämbäl arvostua roindukohtii

Pikkoila-kyläzeh rodivunnuh, Vieljärven kyläs nygöine eläi L’ubov’ Nesterova joga päiviä kirjuttelou viestilöi Ylä-Videlen-vk.com-sivustol. Häi kuččuu omamualazii omah joukkoh. // Kuva: Nadežda Stafejeva

Ylä-Videlen rahvas akkiloijah omua histouriedu. Kaksi kuudu tagaperin vk.com-verkoh on suadu joukko “Ylä-Videlen hieru”. Suau vai kummeksie, kui terväh se suittau omua mieldykiinnittäjiä syväindyö. Läs puoldutostu sadua ristikanzua ollah lähestymäs omii kandujuurii da omii kodikohtii. Joukkoh nägyvästi liženöy uuttu rahvastu.

Yhtäpäi internet levendäy rajoi, tossapäi auttau ristittyzile lähestyö toine tostu. Vkontakte-verkos jo suau nähtä äijy karjalastu kyläjoukkuo. Osobi oldas mainittavat net, kudamii luajitah hävinnyzien kylien mustokse...

Anuksen piiris olii Ylä-Videlen kylä on kudakui hengis: talvel vähembäl, kezäl enämbäl. Kezän aigua talvekse uinotetus talois nävytäh pihal hälizijät rahvas, kuduat tavoitetah pidiä omii lapsestusaigahizii kodiloi da pihoi ruokos, ižändöijäh omii muakohtii. Vačču ihastuu moizen nähtyy… Moinegi on Nesterovan L’ubov’ F’odorovnan oza. Inehmine rodivui da kazvoi Ylä-Videlen Pikkoila-kyläzeh, a kaiken ruadoijän jo oman perehenke eli Vieljärvel. Inehmine ruadoi Vieljärven školas ven’an kielen da literatuuran opastajannu. Penziele lähtiettyy häi endisty puaksumbi rubei käymäh kodoilah Pikkoilah kannattamah omua konduu. L’ubov’ F’odorovnua rouno vedäy sinne...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat