Vienan Karjala

Kirjutukset vienankarjalakse

Jekaterina Gavrilovan mustokse

Jekaterina Gavrilova meni miehele Gavliston kyläh da eli sie 58 vuottu. Talois, kunne azetettih mustoloudu, Jekaterina Gavrilova oli elänyh lähes 20 vuottu omahizienke yhtes. Nygöi täs talois eläy runonpajattajua plemänniekan akku Antonona Ivanovna Str’ap // Kuva: vk.com/public188320317

Ylä-Videl-hieru sivustol 18. talvikuudu rodih sivuston alguhpanijan L’ubov’ Nesterovan tyttären Nadežda Stafejevan Rist’oi-kirjutus. Se on kirjutettu merkipivokse – kyläh azetettih mustolaudu runonpajattanan Jekaterina Gavrilovan mustokse. 

Rist’oi

Videlen čupul, Gavliston hierus seizou suuri vahnu kodi, kus enne eli Karjalan kuulužu runonpajattai Jekaterina Grigorjevna Gavrilova (1888-1968). Nygöi tiä eläy minun muaman čidži, Ton’a-t’outa.
Miehele mendyy häi muatuškan, poijan da ukon kel eli tämän koin yhtes puoles, a Jekaterina Grigorjevna, Kat’a-buabo ‒ toizes. Vas’a-diäd’ö, t’outan mies oli hänen vellen poigu, ainavo sih aigah jiännyh omahine, ristinpoigu.
Vas’a-diäd’ö kučui händy rist’oikse, dai Ton’a-t’outa rubei nenga kuččumah.
Jo ammui muamo saneli minule Kat’a-buabah näh, ken häi oli da midä häneh näh saneltih...
Pienete Van’a puaksuh juoksendeli hänellyö, kuundeli suarnoi, pajoloi, starinoi da zuakkunoi. Kat’a-buabo ainos gostitteli brihaččuu miltahto n’amul. A suarnoi da zuakkunoi häi tiezi ylen äijän. Puaksuh rist’oilluo käydih opastujat, kuunneltih da kummeksittih, min äijän tiedäy tämä inehmine...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat