Vienan Karjala

Kirjutukset vienankarjalakse

Opastustu nikonzu ei ole liijakse

Karjalan kielen intensiivine päivy Karjalan Kielen Kois Vieljärvel. // Kuva: Martti Penttonen

Vieljärven kylän Karjalan Kielen Koin ruadajat hommatah omah iččeh niškoi ližiä kielen opastustu. Mennyöl nedälil pietyn Jelena Ruppijevan opastuspäivän teemannu on olluh “Karjalaine pereh”.

Karjalakse keskenäine pagizendu on Karjalan Kielen Koin ruadajien tärgevimii dieloloi. “Maltanet paista karjalakse – pagize nygöi da täs. Et maltane – tule meijän kielikerhoh” – suau lugie Koin senčoin seinäh riputetus ilmoitukses. KKK:s kolmattu vuottu ruadau kielipezä. Sen ruadajile karjalan kielen opastustu nikonzu ei ole liijakse. Jogahistu dieluo lapsile tulou sellittiä karjalakse – sih niškoi pidäy olla hyvä kielinero da himo parandua sidä.

Täl opastunduvuvvel Kois kačotah pidiä kaksi tävvellisty kieliopastuspäiviä – talven da keviän puolel. Mennyöl nedälil piettih kieliopastustu kymmenele hengele. Niilöin keskes oldih kielipezän da Koin ruadajat, Priäžäspäi tulluot karjalan kielen školan opastai da lapsien päivykoin ruadai. Opastajannu jo ei enzimästy kerdua oli opastuskniigoin kirjuttai, Oma Mua -lehten ruadai Jelena Ruppijeva. Piäteemakse oli vallittu “Karjalaine pereh”. Mittuine se oli enne da on nygöi, kui suadih da kazvatettih lapsii, mittumua kuulujua sanastuo on, midä tieduo jäi täkse päiväkse – täs kaikes paistih seiččei čuassuu..

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat