Vienan Karjala

Kirjutukset vienankarjalakse

Karjalan simvolija kuvatah poštimerkkilöissä

Ruskealan marmorapuistošša leimattih poštimerkkijä Ruskealan kanjonin kuvan kera. // Kuva: L’ubov’ Kozlova, Respublika-tietotoimisto

Pakkaiskuušša Venäjän poštin etuštajat järješšettih Ruskealan marmorapuistošša juhlallini seremonija. Šiinä leimattih poštimerkkijä Ruskealan kanjonin kuvan kera, mit valmissettih piätäkauten Karjalan tašavallan 100-merkkipäiväkši.

Arkipäiväh kaččomatta Ruskealah tuli monta vierašta. Seremonijan jälkeh 50 poštikorttie ta kirjaiskuorta lähetettih Venäjän eri alovehih šekä muajilman toisih maih.

– Ruskealan marmorapuisto oli valittu ei šattumalta. Še on meijän tašavallan yksi kaunehimmista simvoliloista, kerto Venäjän poštin Karjalan ošašton johtaja Irina Gorelova. – Oraškuušša myö meinuamma leimata poštimerkkijä S’andeman manasterin kuvan kera. Karjalan tašavallan 100-juhlavuotena myö järješšämmä vielä monieš šemmoni toimenpito. 

Irina Gorelovan šanojen mukah, Karjalan simvolija esittäjien poštimerkkien leimauš on yksi tehokkahimmista keinoista, jotta noštua rahvahan kiinnoššušta tašavaltah. Vet poštimerkkijä lähetetäh ympäri muajilmua.

 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat