#5 (1495)

Joga vuottu tuhukuus Puadenen kyläs pietäh hiihtopruazniekkua Puadenen kuulužan miehen, Olimpiuadukižoin voittajan, Nevvostoliiton arvostetun sportumuasterin F’odor Mihailovič Terentjevan kunnivokse.

Pakkaiskuun lopušša Karjalan sosialitehnologijien kehitykšen resurssikeškukšen tiloissa piettih seminari, kumpasešša luajittih Jelena ta Gennadi Timčenkon hyvänluajintafondin Aktiivini šukupolvi -sosialiprojektien ohjelman toteuttamisen yhtehvetoja.

Kalevalan rahvahanteatterin vaštavukšet Piäjärven eläjien kera tultih jo perintehellisiksi. Pakkaiskuun lopušša esityšryhmä Valentina Saburovan joholla tuaš ilahutti meitä omalla Šeiččemen stauččua, šeiččemen lusikkua -näytelmällä karjalan kielellä.

Vieljärven karjalaine Valentina Mironova on kiini “Oman Muan” ruavos jo vajai kaksikymmen vuottu. Suomen, ven’an kielen da literatuuran laitoksen loppiettuu Valentina piäzi ruadoh Kielen, literatuuran da histourien instituuttah. Oman ruadotaibalehen nuori tutkii omisti karjalazele folklourale, enimyölleh suvikarjalazile eepizile pajoloile da rahvahanrunohuon keriämizele.

Tuiskukuun alušša XX Kanšainvälini šuomelais-ugrilaisien kanšojen Kanteletar-kulttuurifestivali piettih Koštamukšen Družba-keškukšen tiloissa. Tänä vuotena festivalin teemana oli “Pruasniekka karjalaisešša kyläššä”. Festivalin mukava ta monipuolini ohjelma kešti viisi päivyä.

Tuiskukuun 8. päivänä Petroskoissa piettih XIX kanšainvälisen Giperboreja-talvifestivalin piätapahtumat.

Karjalan tazavallan IX Karjalazien Kerähmyö vaste omua iändy jiävitäh Petroskoin linnua lähembäzet karjalazet. Uvves Vilgas ruadai kerho on ainavo karjalazii kerholoi Onieganrannikon piiris. Karjalazien kerhon aktiivistu ruandua suau nähtä ei istin karjalazes Uvven Vilgan kyläs, kudai on nostettu mennyöl vuozisual tulolazien meččyruadajien vuoh Petroskoin juuri lähil. Uudeh Vilgah puutui kävvä mennyöl nedälil suuren joukonke virguniekkua da karjalaizliittolastu. Kuulta anuksen, vienan da seesjärveläzien kielisevoitustu oli vakkiessah mieleh. Konzu rubein pagizuttamah kerholazii, sain tiijustua, ku heidy, Uvves Vilgas nygöi eläjiä, on Karjalan eri čurispäi. Kolmetostu vuottu tagaperin hyö suadih oma kerho nimel “Ildukečoi” da ruvettih kerävymäh omal karjalazel joukol yhteh.