Vienan Karjala

Kirjutukset vienankarjalakse

Giperborejan pohjoistuuli puhalti Karjalah

Jiäveššoškilpailušša enšimmäisellä šijalla piäsi kontupohjalaisien ta petroskoilaisien yhteistyön tuloš – Makie työ -veššoš. // Kuva: karelia.news

Festivalin ohjelma oli mukava ta monipuolini. Šiih kuulu erilaisie kilpailuja, esimerkiksi, “Paraš lumiukko” šekä Onegajärven ahven –talvikalaššuškilpailu. Šamoin ohjelmašša oli hyvin äijän huvi-, urheilu- ta musiikkitapahtumua.

Perintehen mukah tuiskukuun alušša Petroskoin rantakavulla kašvau lumi- ta jiälinna, missä voit nähä ihmehellisie olentoja ta eläimie, starinamaisie šankarija ta kummallisie rakentehie. Kanšainvälini lumi- ta jiäveššoškilpailu on Giperboreja-talvipruasniekan keškisin tapahtuma.

Tänä vuotena kilpailuh ilmottautu yli 100 muasterie Petroskoista, Kontupohjašta, Koštamukšešta ta Aunukšešta, Arhankelista, Murmanskista, Piiteristä, Korol’ovista, Krasnojarskista, Vologdan, Vladimirin ta Moskovan alovehilta, Udmurtijašta, Kazahstanista, Uzbekistanista, Valko-Venäjäštä ta Šuomešta.

Festivalin rajoissa puolešša netälissä muasterien piti luuvva rantakavulla erilaisie lumi- ta jiäveššokšie kymmeneštä šuurešta jiäpalašta, kymmeneštä šuurešta ta kymmeneštä pieneštä lumikuutujošta.

Šuovattana arvoštelijakunta ilmotti kilpailun tulokšet ta voittajat:

  • Pieni lumiveššoš nominatijošša voittajiksi oli valittu muasterijoukko Murmanskista ta heijän Avaruš tykkyäy meitä -veššoš.
  • Šuurikokosista lumiveššokšista voitti Moskovan alovehen ta Udmurtijan tašavallan muasterien Aurinkoini hirvi -veššoš.
  • Jiäveššoškilpailušša enšimmäisellä šijalla piäsi kontupohjalaisien ta petroskoilaisien yhteistyön tuloš – Makie työ -veššoš.
  • Karjalan piäkaupunkin johtajan erikoispalkinto niise oli annettu Makie työ -veššokšella.
  • Juhlan isännän – pohjoistuulen Borei-jumalan palkinnon šai muasterijoukko Aunukšešta ta Petroskoista Vihmašiä-veššokšešta.

Giperboreja-festivali loppu ilotulitukšella, kumpani tänä vuotena oli oikein kaunis.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat