Vienan Karjala

Kirjutukset vienankarjalakse

Uvven Vilgan karjalazil on lekkehel oma kul’tuurukerho

Uvven Vilgan kylän karjalazet ollah valmehet ezittämäh omua aktiivistu toimindua. Yhtelläh hyö pietäh pahua mieldy sen periä, ku heidy ahtistetah tilois kluuban talois. // Kuva: Marija Opimah

Karjalan tazavallan IX Karjalazien Kerähmyö vaste omua iändy jiävitäh Petroskoin linnua lähembäzet karjalazet. Uvves Vilgas ruadai kerho on ainavo karjalazii kerholoi Onieganrannikon piiris.
Karjalazien kerhon aktiivistu ruandua suau nähtä ei istin karjalazes Uvven Vilgan kyläs, kudai on nostettu mennyöl vuozisual tulolazien meččyruadajien vuoh Petroskoin juuri lähil. Uudeh Vilgah puutui kävvä mennyöl nedälil suuren joukonke virguniekkua da karjalaizliittolastu. Kuulta anuksen, vienan da seesjärveläzien kielisevoitustu oli vakkiessah mieleh. Konzu rubein pagizuttamah kerholazii, sain tiijustua, ku heidy, Uvves Vilgas nygöi eläjiä, on Karjalan eri čurispäi. Kolmetostu vuottu tagaperin hyö suadih oma kerho nimel “Ildukečoi” da ruvettih kerävymäh omal karjalazel joukol yhteh.  Muite, ga Onieganrannikon piiris kirjoin mugah eläy seiččeisadua viizikymmen karjalastu, Uvven Vilgan karjalazet mennäh sih čottah. Munuu myöte, Petroskoin lähil eläy äijiä enämbi karjalastu da meigävellen jälgelästy, ga roindukohtan muutettuu da kielen inohtettuu hyö sulettih enämbistön keskeh...Täkse päiviä Uvven Vilgan Ildukečoih kuuluu enämbi kolmiekymmendy hengie. Toimindualoikse hyö mainitah käziruavot, opastukset da luonnonhelmas olendat, yhtehizet illačut da pruazniekat, karjalazien syömizet, kriukku-kiža, gostih ajelendat da gostien vastahotandat, oma saitu. Suavutuksennu pietäh omua pajojoukkuo da teatrastu.
“Ildukečoi” ruadau kylän kluuban talois. Suurekse priičakse ildukečolazet pannah heijän ahtistamistu täs talois. Kerhonpidäi Tatjana Kirilkina pahoittelou: “Myö emmo sua olla omal välläl... 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat