Vienan Karjala

Kirjutukset vienankarjalakse

Aurinkoisen näyttelyn lämpyö

“Aurinkoisen lapšuon muajilman” kurattori Ksenija Jelovskih näyttelyn avajaisissa. // Kuva: gazeta-licey.ru

Järještäjät šanotah “Aurinkoisen lapšuon muajilmua” lapšilla ta heijän vanhemmilla tarkotetukši näyttelykši.

Kirkašta ta lämmintä ilmapiirie lahjotetah lapšuolla omissetut mualaukšet Karjalan taitomusejon varaštoista (yksi niistä oli mualattu vielä XIX vuosišuan lopušša) šekä nykyaikasien taiteilijien taulut eri kaupunkiloista: Moskovašta, Piiteristä, Nižni Novgorodista, Petroskoista.

Taulujen lisäkši Aurinkoisen lapšuon muajilma -näyttelyššä on esitetty lapšuošta kertojat pienet veššokšet, purissetušta paperimassašta luajitut kuklat šekä kuvitukšet kirjoista.

Näyttelyššä lapšienki on mukava olla. Heitä varoin musejon tiloissa on valmissettu monta interaktiivi- ta leikkikenttyä. Näyttelyn nuoret kävijät voijah lukie lapšien kirjoja, a još ei šuateta vielä lukie iče, niin heitä autetah vanhemmat tahi ämmöt ta ukot. Šamoin “Aurinkoisen lapšuon muajilmašša” voipi leikkie eri pelilöih, mit kehitetäh ajattelutapua, mielikuvitušta, luomiskykyjä. 

Aurinkoisen lapšuon muajilma -näyttelyh voit tuttavuštuo šulakuun 1. päiväh šuaten.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat