Sie, kus hengele hoivu 6+

Karjalan Sivistysseura on piästänyh ilmah videlenkarjalazen Anna Usovan runokniigan “Sie, kus hengele hoivu”. Anna Usova on Karjalan Kanzallizen raadivon toimittai, häi vedäy literatuuruprogrammoi. Annan enzimäine runokniigu “Lyhyt sana “Oza” piäzi ilmah vuvvennu 2017 Ven’an puolel. Anna maltau kirjuttua runoloi kebjieh lugiettaval da ellendettäväl karjalan kielel. Runoloin kieli on toiči vessel, toiči atkal, ga joga runos nägyy karjalaine hengi. Kuvat kniigah niškoi on luadinuh Kira Karenina. 
Täs on runo, kudai andoi kirjale nimen: 

Kylän lapsi 

Olen kylän lapsi. 
Kazvoin luonnon helmas. 
Mieles oli yksi – 
Elos linnas mieros. 

Pajot oman kylän 
Vaihtoin linnan pajoh. 
Vaiku nygöi syväin 
Kyläh tahtou aiven. 

Kus on hengel hoivu, 
Syväimelgi lämmin. 
Omas pihas koivu, 
Mua ku pehmei kämmen.