Vienan Karjala

Kirjutukset vienankarjalakse

Kerähmös Kerähmöh

Enzimäzen kerran Karjalazien kerähmö piettih Anuksenlinnas 28.-30. kezäkuudu 1991. // Kuva: Ivan Savin

Enzimäzes Karjalazien kerähmös, 30 vuottu tagaperin oli deleguatoin joukos anuksenkarjalaine, “Oman Muan” alalline lugii da kirjuttai Ivan Savin. Tuandoi Ivan Stepanovič on käynnyh Oman Muan toimitukseh ottamas lehtie da yhtel tile saneli omat mustelmat enzimäzes Kerähmös, ozuttigi silloi omal ičel luajittuloi fotokartočkoi. 

– Silloi oli moine eiforija, karjalazet buite havačuttih. Oli kanzan nouzu, kaikin tahtottih, ku karjalan kieli eläs, rahvas tahtottih paista omal kielel. Kerähmön rahvastu tervehti karjalakse Karjalan korgeviman nevvoston paginanjohtai Viktor Stepanov. Kerähmös jiädih lämmät tunnot.

Enzimäzen Kerähmön aigua oli suuri kul’tuuruprogrammu. Deleguatat käydih pruazniekkupidoloih Nurmoilah, Tahtahalan kyläh da Pižih. Anuksen puustos oli suuri konsertu, kuduah yhtyi Oma pajo -hora da toizii Petroskoin da Anuksen artistoi.

Jo enzimäzen Kerähmön aigua ruvettih pagizemah karjalan kielen stuatussah nähte:

– 1990 luvun allus oli vaigei paista karjalakse poliitiekkah da kul’tuurah nähte, ei olluh pädevii sanoi. Ga yksikai rahvas prižmittih, ku karjalan kieli suas virrallizen stuatusan. Voin sanuo, ku nygöi kieli on korgiembal tazol, on hyvin kehitynnyh. Sidä vois käyttiä puaksumbah, ga myö iče emmo tahto paista karjalakse. Meis, karjalazis, äijy midä rippuu, on varmu Ivan Savin...

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat