Vienan Karjala

Kirjutukset vienankarjalakse

“Täs suat hengele hoivan”

Tuhukuul Priäžän paginkluuban inehmizet vastavuttih omuamualazen Vladimir Bogdnovanke. Vastavuksel mies saneli omas vastevai ilmah piässyös kniigas, kudamas ezile tulou rahvahan kova oza. // Kuva: Jelena Ruppijeva

Priäžän Etnokul’tuurukeskukses jo tostu vuottu ruadau karjalankieline paginkluubu. Sih tarattamah omal kielel kävyy kymmeniene inehmisty.

Priäžäläzet inehmizet yhteh iäneh sanotah, ku paginkluubas olles moine hyvä on mieles, kai hengele hoivembi rodieu. Se rodieu sendäh, ku voijah paista omal karjalan kielel. Sidä tänäpäi harvah puuttuu ruadua. Enimil kluubah kävyjis kois ei ole kenenke tarattua livvikse, kieli vähin vähäzin rubieu unohtumah, sendäh ruvettihgi kerävymäh yhteh, konzu rodih moine mahto.

Paginkluubu karjalan kielel Priäžän kyläh on suadu sygyzyl 2018. Sen ruavon alguhpanijannu da vedäjänny on KRL:n Priäžän alaozaston johtai Lidija Tursunova. Alalleh priäžäläzeh paginkluubah kävyy kaheksa-kymmene hengie, kai ollah inehmizet. Toizet, a kluubah kirjuttihes vähästy enämbi kymmendy hengie, kävyksendelläh silloi-toiči.

Jogahizel paginkluubah kävyjäl ollah karjalazet juuret da jogahizele heis karjalan kieli on muamankieli, lapsennu kuultu da opastuttu. Kai inehmizet ollah Priäžän čuppuu...

– Minuu tänne puašitti Ol’ga Mihailovna Lomujeva. Tulin enzimäzele vastavuksele, muga miellyin, ga ainos rubein käymäh. Myö konzu midä ruammo, konzu pajatammo, konzu midä bärbätämmö, sanelou Kinnermäh rodivunnuh Tatjana Prokopjeva. 

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat