Vienan Karjala

Kirjutukset vienankarjalakse

Venäjän istorija valokuvissa

Näyttelyššä on vuosien 1955–2017 World Press Photo -kilpailun neuvoštoliittolaisien ta venäläisten voittajien valokuvie. // Kuva: Anastasija Jungina

Näyttelyššä on esitetty noin 500 valokuvua. Ne ollah vuosien 1955–2017 World Press Photo -kilpailun neuvoštoliittolaisien ta venäläisten voittajien valokuvie. Valokuvissa on istorijallisie ta urheilutapahtumie, kuulusie henkilöjä ta valtijomiehie šekä tavallisien ihmisien elämyä.

– Näyttelyn ideja šynty vuotena 2010. Mie tahoin esittyä valokuvie, kumpasien luatijat šuatih korkeita palkintoja, kerto projektin luatija Vasili Prudnikov.

Näyttely jo oli esitetty Venäjän 15 kaupunkissa, Yhyšvalloissa, Alankomaissa ta Slovakijašša.

Monet näyttelyššä esitetyt valokuvat ollah epämiellyttävie ta joškuš ankarieki. Tämä on valokuvuajan tehtävä: näyttyä proplemoja ta näin parentua yhteiskunnan huavie.

On mukava, jotta monien valokuvien vierellä on kertomukšie niijen luatimisešta ta šisällöštä.

Parempi on alottua kačella näyttelyö piäovešta, šentäh kun valokuvat ollah šiinä järješšykšeššä, jotta kaččoja voipi nähä mitein vaihteli Venäjän istorija ta yhteiskunta.

Grand-Prix venäläisittäin -näyttely toimiu Kaupunkin näyttelyšalissa 15. kevätkuuta šuaten. Piäšy on ilmani.

Sano oma mieli

Kai kommentariet tarkistetah. Viestit, kudamis on pengomistu, rahvahan vihua da VF:n zakonoin vastastu kuhkuttamistu, otetah iäre.

Lugijan mielii: *
Sinun nimi: *
 
Partn`ourat