Oma Mua

Ainehistoja livvinkarjalan murtehella

Karjalaine suarnu 2015

Tapahtuma-aika: 20 Kylmykuudu
Tapahtumapaikka: Priäžän kylä

Festivuali-kilbah voijah yhtyö lapset da nuoret, kuduat maltetah karjalan kieldy (yksitellen, vahnembien da omahizien kel), školien da päivykodiloin lapsien joukot, ližäopastustu suajat lapset, kuduat opastutah karjalan kieldy.

Festivualii pietäh kolmes nominatsies:

-Rahvahan suarnu (ozutukset karjalan rahavahan suarnoin pohjal da Karjalan tazavallas eläjien kandurahvahien perindöliizien suarnoin pohjal, kuduat on kiännetty karjalakse);

-Karjalan eeposat (omistettu Kalevala-eeposan 180-vuozipäiväle);

-Karjalaine mozaikku (šuutkakkahat ozutukset, jeralašat, nygyaigazet histouriet).

Festivualilazet ozutetah omii ozutuksii (yksittäin libo joukolleh) karjalan kielel nominatsieloin mugah.

Ven’ankielizii ozutuksii sežo otetah festivualih, ga arvostusjoukko niidy ei arvosta. Arvostusjoukko kaččou karjalan kielen tazuo, suarnan omaluaduvuttu, ozuttelijoin artistoin neruo. Festivualih yhtynyöt suajah lahjakse karjalan- da ven’ankielisty literatuurua, joga nominatsies voittajat suajah erillizet lahjat.

Festivualih yhtyjes pidäy kirjuttua zajavku, kuduah pidäy kirjuttua ozutuksen nimi, nominatsii, rodieugo se yhten ristikanzan vai joukon ozutus, joukon suurus, lapsien roindupäivät, kuduas kluasas hyö opastutah, joukon piälikön nimi, hänen kontaktat. Zajavkat otetah vastah 1. kylmykuussah.

Zajavkat festivualih voibi työndiä adresile: Petroskoi, Titovan piha, 3, perti 108 libo sähköpoštan kauti: natsinit@mail.ru, poroei@mail.ru merkil ”Karjalaine suarnu 2015” kylmykuun 1. päivässäh 2015.

 

Ližätieduo ven’akse suatto http://nationalkom.karelia.ru/konkursy-festivali-meroprijatija/ -internet-sivul da telefonois  8 8142 78 05 10 (Natalja Sinitskaja libo Jelena Migunova).

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *