Rahvahan perintehie šäilyttäen

Näyttelyn avajaisissa: kanšallispuvut ta niijen luatijat // Kirjuttajat: NIkolai Abramov
Kolledžissa opaštuos’s’a studentit tajutah korissuš- ta käsityötaitehta. Muun muašša heitä opaššetah luatimah Venäjän pohjoisrahvahien kanšallisnpukuja. Pukujen malliksi otetah tavallisie eksponattija, kumpaset šäilytäh kuin Karjalan Kanšallisešša ta Taitehmusejoissa, šekä Piiterin Venäjän etnografisešša musejošša. Näin studentit tutkitah Luoteis-Venäjän rahvahien kanšallispukujen erikoisuukšie.
Perintehie šäilyttäen -näyttelyn pohjakši otettih viime kolmen vuuvven Karjalan kulttuurin ta taitehen kolledžin piäštökkähien diplomitöitä. Niijen luvušša on naisien ta miehien pruasniekkapukuja. Niitä ommeltih pukumallijen mukah, kumpasie piettih XIX vuosišuan lopušša – XX vuosišuan alušša Aunukšen gubernijan eläjät: karjalaiset, vepšäläiset ta oneganiemeläiset.
Uuteh näyttelyh ošallissuttih ni šen kurattorit, entiset kolledžin piäštökkähät Natalja Romanovskaja, nykyni Perintehellisien käsitöijen keškukšen piäspesialisti, ta ArtSloboda -käsityöammattikeškukšen piäspesialisti Inna Grikštas. Naiset luajittih pukuja niijen mallijen mukah, kumpasie piettih naiset ta miehet XIX vuosišuan lopušša – XX vuosišuan alušša Pohjois-Šuomen Nurmijärvi-paikašša.
Hyvä, jotta nuorisolla šäilyy kiinnoššuš kanšalliseh pukuh, jotta hyö šäilytetäh ta jatetah kantatuattojen perintehie.
Perintehie šäilyttäen -näyttelyh voipi tuttavuštuo kešän männeššä Perintehellisien käsitöijen keškukšešša (Kirovinkatu, 13).
-
Työnnä kirjutuš
-
Još löyvät virheitä, kirjuta meilä!
Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!