Kumiokoški šai luonnonmuistomerkin statussin

Karjalan tašavallan hallitukšen piätökšellä Vuonnisen joven luonnonaloveh, kumpaseh kuulutah ainutluatuset Kumio-, Juurikko- ta Tuhko-košet on julissettu luonnonmuistomerkiksi.

Luonnonmuistomerkki šijoutuu Kalevalan piirin Vuonnisen mečänhoitoalovehella. Kumio-koški -luonnonmuistomerkki on peruššettu tarkotukšella šäilyttyä ekologijan, tietehen, kulttuurin ta estettiikan mieleššä hyvin arvokkahan luonnonkohtehen.

Kumiokoški on Karjalan pohjoisošan šuurimpie vesiputoukšie. Šen putouškorkeuš on 13,6 metrie. Košen vesistöjä ympäröijäh kaunehet kypšät mečät. Tällä alovehella on šäilyn tyypillisie taigakašvija šekä eläimie.

Luonnonmuistomerkin ideja oli šyntyn 1990-luvun loppupuolella. Šen aktiivisina kannattajina oltih iče paikalliset eläjät, Kalevalan lespromhosi, Kalevalan piirin luonnonšuojelukomitietta šekä piirin ičehallinto. Vuotena 1989 tämä ideja šai tietehellisenki peruštelun Neuvoštoliiton Tietoakatemijan Karjalan ošašton tutkijien puolešta.

Vuosien piäštä Kalevalan kanšallisen piirin ičehallinto, Venäjän Tietoakatemijan Karjalan keškukšen Meččäinstituutti šekä SPOK-luonnonšuojelujärještö tuaš ruvettih eistämäh tämän idejan toteuttamista. Monitieteisien yleistutkimukšien  pohjalla valmissettih uuši peruštelu ta ehotettih myöntyä tällä alovehella šuojelualovehen statussin.

Kannattau mainita, jotta Kumiokoški šijaiččou rajavyöhykkehellä. Piäšy, liikkumini šekä erilaisien toimijen järještämini tällä alovehella toteutuu rajavyöhykehšiäntöjen mukah.

Kumiokoški kuuluu Fennoskandijan vihrieh vyöhykkeheh, kumpani leviey Venäjän ta Šuomen välistä rajua ta pohjoisešša Venäjän ta Norjan välistä rajua myöte Barentsin mereltä Itämerellä šuate.

Kumiokoški -luontokokonaisuuš on toini vuotena 2013 peruššettu šuojelualoveh. Tämän vuuvven kešäkuušša Kemin piirissä peruššettih Gridino-rauhoitušaloveh. Kumiokoški-luonnonmuistomerkin peruštamini on tärkeitä Ympäristön šuojelun vuuvven puittehissa toteuttamie toimija.

Karjalan tašavallan hallitukšen piätökšellä Vuonnisen joven luonnonaloveh, kumpaseh kuulutah ainutluatuset Kumio-, Juurikko- ta Tuhko-košet on julissettu luonnonmuistomerkiksi.

Luonnonmuistomerkki šijoutuu Kalevalan piirin Vuonnisen mečänhoitoalovehella. Kumio-koški -luonnonmuistomerkki on peruššettu tarkotukšella šäilyttyä ekologijan, tietehen, kulttuurin ta estettiikan mieleššä hyvin arvokkahan luonnonkohtehen.

Kumiokoški on Karjalan pohjoisošan šuurimpie vesiputoukšie. Šen putouškorkeuš on 13,6 metrie. Košen vesistöjä ympäröijäh kaunehet kypšät mečät. Tällä alovehella on šäilyn tyypillisie taigakašvija šekä eläimie.

Luonnonmuistomerkin ideja oli šyntyn 1990-luvun loppupuolella. Šen aktiivisina kannattajina oltih iče paikalliset eläjät, Kalevalan lespromhosi, Kalevalan piirin luonnonšuojelukomitietta šekä piirin ičehallinto. Vuotena 1989 tämä ideja šai tietehellisenki peruštelun Neuvoštoliiton Tietoakatemijan Karjalan ošašton tutkijien puolešta.

Vuosien piäštä Kalevalan kanšallisen piirin ičehallinto, Venäjän Tietoakatemijan Karjalan keškukšen Meččäinstituutti šekä SPOK-luonnonšuojelujärještö tuaš ruvettih eistämäh tämän idejan toteuttamista. Monitieteisien yleistutkimukšien  pohjalla valmissettih uuši peruštelu ta ehotettih myöntyä tällä alovehella šuojelualovehen statussin.

Kannattau mainita, jotta Kumiokoški šijaiččou rajavyöhykkehellä. Piäšy, liikkumini šekä erilaisien toimijen järještämini tällä alovehella toteutuu rajavyöhykehšiäntöjen mukah.

Kumiokoški kuuluu Fennoskandijan vihrieh vyöhykkeheh, kumpani leviey Venäjän ta Šuomen välistä rajua ta pohjoisešša Venäjän ta Norjan välistä rajua myöte Barentsin mereltä Itämerellä šuate.

Kumiokoški -luontokokonaisuuš on toini vuotena 2013 peruššettu šuojelualoveh. Tämän vuuvven kešäkuušša Kemin piirissä peruššettih Gridino-rauhoitušaloveh. Kumiokoški-luonnonmuistomerkin peruštamini on tärkeitä Ympäristön šuojelun vuuvven puittehissa toteuttamie toimija.