Oma Mua

Ainehistoja livvinkarjalan murtehella

Hämäräštä päivänvaloh

CHOISE? VALINTA! ВЫБОР… -näyttelyn avajaisissa.

Šuuret romantikot, eri aloilla ruatajat, nerokkahat ihmiset… Täyvet intuo ta toiveita hyö ajettih Neuvošto-Karjalah rakentamah ”uutta, oikienmukaista sosialistista yhteiskuntua, työläisien muata”. Tämä Karjalan istorijan šivu pitän aikua oli ollun hämärän peitošša, a vet’ 1920-30 -luvulla Karjalah šiirtynehet pohjois-amerikan šuomelaiset luotih merkittävän panokšen Karjalan talouš-, sosiaali- ta kulttuurielämän kehittämiseh. CHOISE? VALINTA! ВЫБОР… -näyttely on Karjalan Kanšallisen musejon, Kanšallisen arhiivan ta Joensuun Carelicum-musejon yhteistyön tuloš. Näyttely oli mäneššykšellä esitetty viime vuotena Joensuušša ta nyt še avattih Karjalan Kanšallisen musejon tiloissa. Musejon johtajan Mihail Goldenbergin šanojen mukah näyttelyn valmistamisešša šuurešti autettih iče amerikanšuomelaisien jälkiläiset. Ne luovutettih musejofondiloih aivan ainutluatusie veššoja, dokumenttija ta valokuvija omista pereharhiivoista. CHOISE? VALINTA! ВЫБОР… Näyttelyn simvolini nimi panou šyväšti miettimäh. Monien Karjalah tullehien šuomelaisien immigranttien kohtalot oltih traagiset. Hyö toivottih oikienmukaisuutta ta valosua tulevaisuutta ičelläh, omilla lapšillah ta kaikilla muillaki, onnakko törmättih kauhieh viäryyteh joutuen Stalinin vainojen jauhinkivien välilöih. Monet näistä šyyttömäšti tuomituista oli ammuttu, monet oli karkotettu. Ilkie Rahvahan vihollisen heimolaini -leima oli monekši vuuvvekši tarttun heijän lapših ta muih perehenjäšenih. Pitkie vuosikymmenie šiitä ei ollun tapana paissa yhtänä. Monet amerikanšuomelaisien jälkiläiset koroššettih näyttelyn avajaisissa, jotta on oikein hyvä, kun šemmoni näyttely oli valmissettu ta nyt voit paissa šiitä avoimešti ta rauhallisešti, palauttaen muistoa niistä ihmisistä ta niijen panokšešta.
Kommentit
  • Fabian01.02.2014 | 14:21
    Sorry kiolas, ddhalh 8a pas douleia kanonika aurio?? Ennow tha thn koitakseis sta matia?? Eeee? Sta 8limmena matakia ths pou exoun dextei tosh aporripsh??? K pou vrethike ena akoma omorfo trixwto agori me thespesio kormi na thn akyrwsei k na thn katavara8rwsei??? Eeeee????
  • Giuliana03.02.2014 | 01:07
    That's really <a href="http://daflwqrhla.com">thnnkiig</a> of the highest order
  • Geri05.02.2014 | 18:00
    Cheers pal. I do aptcariepe the writing. http://shbjjksk.com [url=http://jkphiyokf.com]jkphiyokf[/url] [link=http://xesuibjg.com]xesuibjg[/link]
Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *