Staraičemma kulkie etehpäin

Valentina Ulič myönti Šoutjärven musejon johtajalla Natalja Anhimovalla (vaš.) Uškollisuuvvešta Pohjoseh -mitalin.
#20
(372)
Karjalaisien, vepšäläisien ta šuomelaisien etuštajien neuvošton issunto piettih KT:n Tervehyön ta sosiaalikehitykšen ministerin Valentina Uličin joholla.
Pivon alušša Valentina Ulič ilmotti Pohjosen, Siperin ta Kauko-Itän kantakanšojen liiton miäräykšen, kumpasen mukah Vepšän kulttuurišeuran piälikkö Zinaida Strogalščikova ta Šoutjärven musejon johtaja Natalja Anhimova šuatih Uškollisuuvvešta Pohjoseh -mitalit.
Nuori Karjala -nuorisojärještön piälikkö Alina Čuburova kerto järještön 20-vuotisešta työštä, šuunnitelmista ta propleemoista:
– Nyt meijän piäpropleemana on še, jotta järještöllä ei ole omie tiloja. Entisistä tiloista Puškinskajakavulta meijät ajettih pois. Nyt kaikki järještön ainehistot, nellä tuhatta kirjua, levykokoelma on tunkettu Periodika-kuštantamon eri nurkkih. Kirjuttima äšen KT:n piämiehellä, onnakko vaštaušta emmä šuanun.
Lisäkši Alina huomautti, jotta Olimpijakisojen tulen kantajien joukošša ei ole ni yhtä kantakanšan nuorta etuštajua.
Vuoroštah Valentina Ulič lisäsi, jotta tulenkantajien nimet hyväkšyttih Moskovašša, hyö niise ollah pahoilla mielin, jotta šiinä joukošša ei ole šemmosie ihmisie.
-
Työnnä kirjutuš
-
Još löyvät virheitä, kirjuta meilä!
Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!