Oma Mua

Ainehistoja livvinkarjalan murtehella

Neruo käyttöh otettavakši

Korissukšet aina on vahvissettu naisien kaunehuon voimua. Jarmankkah tulluot kaunottaret heti lähettih kaččomah niitä. // Kirjuttajat: Natto Varpuni

 

Petroskoin Käsityöammattien keškukšešša avattih uuvvenvuuvven Neruo käytäntäh -näyttely-jarmankka, mistä šuau oštua suveniirija ta šuaha lahjojen idejoja. Jarmankalta löytyy uuvvenvuuvven tikutettija simvolija, pruasniekkakuušen koristehie, käsipaikkoja, kintahie, villašukkie, kukloja, tuohiesinehie ta muuta käsin luajittuo tavaruo.

Roštuon ta Uuvven Vuuvven pruasniekat ollah starinamaini ta taika-aika. Lapšet ta ruavahat ihmiset korissetah kuušta ta ečitäh lahjoja heimolaisilla ta kaveriloilla. Käsityöammattien keškukšešša toimijašša näyttelyššä löytyy lahjoja vaikka mih makuh.

– Omin käsin luajitut esinehet on aina oltu parahina lahjoina, šanotah jarmankan järještäjät. – Meiltä šuau oštua Petroskoin taiteilijien ta käsityömuasterien tavaroja halvemmalla hinnalla. Näyttelyn kaikki esinehet on tarkotettu käyttöh otettavakši. Jarmankan idejana on lisätä rahvahan kulttuurie ta perintehellisie esinehie nykyihmisien kotioloih ta elämäh.

Tulkua oštamah suveniirija ta šuamah lahjojen idejoja Käsityöammattien keškukšeh atressilla: Petroskoi, Kirovin katu, 13. Näyttely toimiu enši vuuvven 25. pakkaiskuuta šuaten.

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *