Oma Mua

Ainehistoja livvinkarjalan murtehella

Kui vaihtui kieli Vieljärves?

Kniigan painos on vaiku viizikymmen palua. Kniigua voibi suaja Karjalan Kielen Kois Vieljärvel libo Suomen Karjalan Kielen Seuras.

Suomes piäzi ilmoih Kui vaihtui kieli Vieljärves -kniigu, kuduas ollah Irina Čakkojevan da Martti Penttozen kyzelyt. Kniigan tarkoituksennu on kaččuo, kui karjalan kielen tila on muuttunuh, midä muamankieleh nähte duumaijah rahvas da paistahgo sil nygöi.

Kniigan luadijat  Suomen karjalaine Martti Penttonen da vieljärveläine Irina Čakkojeva tutavuttih toine toizenke jo pari vuottu tagaperin, konzu kyläh nostettih Karjalan Kielen Kodi. Mennyt vuon Martil rodih idei pagizuttua paikallizii eläjii da tiijustua karjalan kielen tilas nygyaigazes elaijas. Miehen abuniekakse rodih vieljärveläine Irina Čakkojeva.

Irina on rodivunnuh karjalazeh pereheh, kuduas nygyaigassah paistah karjalakse. Neidine opastuu karjalan kieldy Petroskoin valdivonyliopistos, hänes rodieu algukluasoin opastai. Tänävuon Irina loppi toizen vuozikursan.

Kyzely Martti da Irina piettih mennyt kezäl, kyzymykset keksittih yhtes.

Suurin oza kyzelyy pidi Irina, paiči Vieljärven kyliä, häi kävyi Kinelahteh da Ylä-Viideleh. Kaikkiedah pagizutettih kaksikymmen kolme 1932-1980-vuozinnu rodivunnuttu karjalastu...

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *