Oma Mua

Ainehistoja livvinkarjalan murtehella

Etnini muajilma nuorison šilmin

Mihail Smirnovin Jälelläh nuoruoh -kuva voitti Muotokuva-nominatijošša // Kirjuttajat: Mihail Smirnov

Kešäkuun alušša Koštamukšen Pr’alka-kanšalaisjärještö kučču 18-35-vuotisie nuorie ihmisie ošallistumah EtnoMuajilma nuorison šilmin -valokuvakilpailuh. Heinäkuun lopušša kilpailun tulokšet oli ilmotettu kolmešša nominatijoissa:

– Valokuvarekonstruktijo (vanhan perehkuvan tahi kuvan, missä tuntuu kanšallini koloriitti valokuvarekonstruktijo) -nominatijošša voitti koštamukšelaisen Anita Gundarevan Ristiniemi-kuva, min hiän luati I.K. Inhan kuvan mukah.

– Muotokuva (ihmisen kuva, missä tuntuu kanšallini koloriitti) -nominatijošša voitti Mihail Smirnovin Jälelläh nuoruoh -kuva.

– Rahvahanperintehet (tapahtumat, tavat, kanšalliset pruasniekat) -nominatijošša voitti vieljärviläisen Irina Čakkojevan Neiččysien illačču karjalaisittain -kuva.

Elokuušša-šajekuušša 29 parašta valokuvua esitetäh näyttelyissä Sortavalan, Lahenpohjan, Pitkärannan, Koštamukšen kirjaštoissa. Šajekuušša kilpailun voittajat palkitah diplomiloilla ta lahjoilla Koštamukšešša, Otkritaja dver’ InterVzaimodeistviju -projektin lopputilaisuošša.

Lisyä tietuo kilpailušta šuatta vk.com/club183745864-šivulta.

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *