Oma Mua

Ainehistoja livvinkarjalan murtehella

Kyykätär autto karjalaisie urheilijie

Kilpailuih otti ošua yli 60 urheilijua Karjalašta, Moskovašta, Piiteristä, Tverin, Kostroman ta Vologdan alovehelta.

Karjalan tašavallašta kilpailuih kävi 15 peluajua Petroskoista, Kalevalašta, Koštamukšešta ta Vieljärveštä. Hyö myöššyttih kotih mitalien kera.

Naisien joukkokilpailuissa kolmannella paikalla piäsi vieljärviläini Natalja Žulai, kumpani yheššä piiteriläisen Jelena Nikolajevan kera pelasi Luoteis-Venäjän-joukošša.

Toisella paikalla nousi Karelija-2 -joukko, kumpasešša pelattih Natalja Petrova ta Marija Kundoz’orova.

Miehien joukkokilpailuissa kolmannella paikalla piäsi karjalaini joukko, kumpasešša pelattih Eduard Kirjanen, Pavel Pol’akov, Aleksandr Černenok ta Jevgeni Karakin.

– Čerepovetsissa piettih viijennet koko Venäjän kilpailut ta karjalaisetki joka kerta otettih niih ošua. Pitäy mainita, jotta vuosi vuuvvelta kilpailujen tašo kašvau. Tänä vuotena karjalaini miešjoukko enšimmäistä kertua piäsi mitaliloilla. Myö harjottelima koko vuuvven ta nyt piäsimäki hyvih tulokših, korošti Jevgeni Karakin.

Karjalaiset kyykkärit toivotah, jotta konšanih Petroskoissaki ilmeštyy hyvä kyykkäkenttä. A myö onnittelemma voittajie ta toivotamma heilä uušie šuavutukšie.

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *