Oma Mua

Ainehistoja livvinkarjalan murtehella

Kunnon kahvi on vietävä mukana

Konša ihmiset tullah turistina vierahalla mualla, hyö tahotah tiijuštua paikan istorijašta ta ni maissella paikallista ruokua.

Vienanmeren Solovetskin šuarilla šyötetäh turistija merikalalla – paltassulla, turškalla ta paikallisella halleilla. Täššä šuat juuvva ni paikallista yrttičäijyö. Yrtit ta heinät kašvatetah ta kerätäh šuarilla.

Monet karjalaiset ta šuomelaisetki ollah kovat kahvinyštävät ta juuvvah kahvie kakši-kolme kertua päiväššä. Kun tulet Solovetskih muutomakši päiväkši, niin himottais juuvva huomenekšella kunnon kahvie. Ka kahvin puolešta Solovetskin šuarilla on šuuri proplema. Täššä taritah enemmän murukahvie. Prijut-hotellissa, missä mie olin, kahvinkeitintä vouse ei ole, a kahvikonehella keitetty kuppi cappuccino-kahvie makšau 250 rupl’ua. Kahvinkeitintä ei ole ni Solovetskin raipon ruokalašša, mi on kylän keškukšešša ta minne tullah šyömäh melkein kaikki šuaren vierahat.

Toisualta tällä pyhällä šuarella ollešša voit ni kieltäytyö kotvasekši oman elämän merkkilöistä ta kahvistaki. Onhan tiälä mitä mukavampua!

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *