Oma Mua

Ainehistoja livvinkarjalan murtehella

Kilpailujen voittajat on ilmotettu

Ilokši kerron tarinan -kilpailun voittaja Alla Gubareva jo šai oman lahjan. // Kirjuttajat: Ol’ga Smotrova

Laulan omalla kylällä -kilpailuh ihmiset työnnettih kertomukšie omašta kotikyläštä, šen elämäštä. Ei šattumalta rahvaš šanou: “Oma mua manšikka, vieraš mua mussikka”. Oma kylä ta oma ranta aina vejetäh lapšie puoleheh, vaikka hyö elettäiski toisešša paikašša.

Laulan omalla kylällä -kilpailun voittajat:

L’ubov’ Tarasova (Kalevala), Jyvyälakši – kaunehin karjalaini kylä -kertomuš. Naini šuau termossin;

L’ubov’ Nesterova (Vieljärvi), Täs on minun kodi -kertomuš Pikkoilan kyläštä. Hiän šuau šaviaštiešarjan.

– Karjalan rahvahan kirjailija Aleksandr Volkov, kertomuš “D’essoilu. Kylät, taloit, ymbäristö”. Aleksandr Lukič šuau kirjutušvehkehien šarjan.

 

Ilokši kerron tarinan -kilpailuh otettih vaštah mukavie ta vesselöjä juttuja, mit on tapahuttu kirjuttajien tahi heijän heimolaisien, yštävien ta nuapurien kera. Vet kaikin tiijetäh, jotta karjalaiset on vesselä ta ilomielini kanša, hyö tiijetäh huumoritarinoja hoš kuin äijän ta joka kohtah.

Ilokši kerron tarinan -kilpailušša voitettih:

– Kolatšelän karjalaini, Marjaine-päiväkojin entini kašvattaja Alla Gubareva kertomukšešta “Kui muamo pagizi ven’akse”. Alla Petrovna šuau riehtilän;

– Porajärven karjalaini, Oma pajo -kuoron laulaja Nikolai Karpin Porajärveläzet-kertomukšešta. Hiän šuau termossin.

– Karhumäjen karjalaini Zoja Paškova (Artemjeva) kertomukšešta “Karjalua kuuluu Jegiptassah”. Zoja šuau kuva-al’pomin.

 

Miun “Kalevala” -kilpailuh piti työntyä valokuvie, mit on kiini Kalevala-eepossah šekä löytyä katkelma runošta, mi paššuais kuvah. Tämä kilpailu oli omissettu Kalevala-eepossan vuuvvella, mi oli ilmotettu Karjalan tašavallašša.

Miun “Kalevala” -kilpailun voittajie valittih erikseh lapšien ta aikuhisien kešen.

Kilpailun pienet voittajat:

Van’a Vasiljev (Petroskoi), kuvan työnti Tatjana Vasiljeva;

Vsevolod, Arseni ta Saveli Virolaiset (Mujejärvi), kuvan työnti Marina Virolainen.

Pojat šuahah Karjalaisia satuja -kirjat šuomen ta venäjän kielellä.

Kilpailun aikuhiset voittajat:

Natalja Porošenkova (Šukkajärvi);

Natalja Denisova (Petroskoi);

Natalja Ahonen (Pitkäranta).

Naiset šuahah tikutettuja kaklapaikkoja ta kintahie. Lahjoja valmisti Oma Mua -lehen hyvä yštävä Ol’ga Pozdn’akova.

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *