Oma Mua

Ainehistoja livvinkarjalan murtehella

Kiinalaiset tahotah oppie karjalua

Kiinalaisen joukon piällikkönä oli Kiinan opaššukšen valtijollini tarkaštaja Tao Sipin (toini vaš.). // Kirjuttajat: Natto Varpuni

Kaikin šanotah: pitäy oppie kiinan kieltä. Myö šanomma: opi karjalua! Kiinalaisetki ollah šamua mieltä. Kačo vain, hyö jo luajittih karjalaisen lipun ta šuatetah tanššie kruugua.

Joukko kiinalaisie Šanhaista ta Pekinistä vieraili venäläis-kiinalaisen yhteisruavon rajoissa Petroskoissa. Hyö ošallissuttih Glazunovilla nimettyh enšimmäiseh Kanšainväliseh musiikki- ta tanššitaijon nuorisokilpailuh. Joukošša oli Kiinan taitehen merkkihenkilöjä ta asiemiehie, Šanhain pedagogisen yliopiston opaštajie ta yhteiskunnallisie vaikuttajie. Joukon piällikkönä oli Kiinan opaššukšen valtijollini tarkaštaja Tao Sipin.

Petroskoissa ollešša kiinalaiset tahottih nähä vieläi karjalaista kulttuurie. Karjalan Rahvahan Liiton aktivistit järješšettih heilä pienen illačun, min aikana näytettih loittosilla vierahilla karjalaisie pukuja, tanššittih heijän kera karjalaisie tanššija ta leikittih piirileikkie šekä luajittih karjalaista lippuo. Illačču oli pietty Petroskoin 111. päiväkojin tiloissa.

Lisyä kommenti

Luokkaukšie, kanšallista pahantahtoisuutta šekä VF:n lakien vaštasien toimien kehotušta šisältäjät viestit poistetah šivuilta!

Kommentit: *
Šiun nimi: *